Tuesday, February 7, 2012

Af hverju að skipta um umræðuefni...


þegar umræðuefnið er svona skemmtilegt og vinsælt, höldum áfram að skreyta kerti :)
Núna er einmitt tími kerta og kósíheita :)

  


Mér datt í hug að sýna ykkur hvernig hægt er að stimpla á kerti.  Eins og þetta silfraða hér að ofan (hitt er úr sýnikennslunni um daginn)

Það sem þarf, er kerti (daaaa), stimpill og blekpúða. (Blek er mjög mismunandi, svo þið verðið eiginnilega að gera prufu t.d. á afgangskertastubb).  Ég notaði Archival blek sem fæst hjá skrappoggaman.is og gamlan stimpil sem ég ööölska og er frá Lil' Davis stamps.



Fyrri hluti: Leggið stimpill á bakið og blekið hann vel. (þetta er auðveldi hlutinn) :)



Seinni hluti: Nú þarf maður að setja tunguna út og vanda sig :)
Haldið með BÁÐUM höndum á kertinu og rúllið því hægt en örugglega eftir stimplinum. (þessi og næsta mynd voru feikaðar, því ég gat ekki bæði haldið á myndavélinni og rennt kertinu yfir ;Þ ).




VOILA :) Tilbúið !!!!  (þrífið stimpilinn vel ef ykkur þykir vænt um hann)



Það væri alveg hægt að nota kertið bara svona. 




En ég gat nottla ekki hætt og fór að leita að perlu til að setja í miðjuna.....

...Stóra.......


......litla.......


...eða kannski túrkís.... Það er svo hentugt að máta þessar sjálflímandi perlur við allt mögulegt.


Ef þið eruð ekki með sjálflímandi perlur eða skraut, þá er þetta lím aaaaalgjör snilld :)  (jújú, fæst í Skrappoggaman.is)

Svo datt mér í hug að nota perlupenna til að gera "gervi" perlur allan hringinn.


Þarna hefði ég átt að hætta, en ég gat ekki stillt mig um að prófa að setja smá silfur glimmer, en mér fannst það svo ekki vera að gera sig.


Og þarna eru þau svo saman. Marimekko kertið og nýja stimplaða kertið.

Hér er svo annað svona kerti sem ég gerði í fyrravetur.  Þarna notaði ég hvítt Stazon blek,  munsturgataða pappírsræmu og snjókorn, blóm og borða.


Alveg í stíl við kortið sem fylgdi með, en ég á ekki mynd af því, en það var eins og þessi, nema í sömu litum og kertið :)


Var ég búin að segja hvað ég ööölskennan stimpil :)

Monday, February 6, 2012

Meiri kerti



Vá hvað það er gaman að sjá svona traffík síðustu 2 daga....og takk fyrir öll kommentin. Það er gott að vita að maður er ekki bara að samkjafta hérna :Þ  ég er nebblega soltið góð í því. híhí :D

Ég æstist bara öll upp (vá hvernig ætli þetta þýðist á google translate..hohoho) við þessar frábæru móttökur svo ég gat ekki stillt mig um að gera fleiri kerti.

Þetta er sama aðferð og ég notaði í sýnikennslunni (þið finnið hana HÉR) en núna notaði ég einhvern þunnan pappír sem ég átti og prentaði á hann. Mig minnir að þetta hafi verið þunnur vélritunarpappír, eða einhver pappír sem var notaður til að draga upp í gegnum (ca 20 ára gamall :Þ). En allavega, þá er gott að nota pappír sem er mjög þunnur, t.d. silkipappír. Ég held að hvítur silkipappír fáist í Hvítlist og etv. er hægt að finna hann í föndurbúðum eða blómabúðum.

Ég bjó til myndirnar með burstum í photoshop. En það er hægt að nota hvaða myndir sem er auðvitað. *hint hint...ljósmyndir á fermingarkertin*

Prentarinn minn tók pappírinn sem ég notaði og prentaði á hann eins og venjulegan pappír. En ef þið lendið í vandræðum með að setja þunnan pappír í prentarann ykkar þá er ágætt ráð að klippa hann aðeins minni en A4 og líma (með límbandi) á venjulegan A4 prentarapappír. Þá ætti þetta að ganga eins og í sögu :)

Hér er blaðið beint úr prentaranum, ég prentaði það í hlýjum dökkgráum tón, ekki svörtum svo það væri aðeins mildara.

Svo greip ég 2 kerti sem voru ekki alveg búin eftir jólin.

Sneið til pappírinn þannig að hann passaði á kertið og setti svo vaxpappírinn utan um og hitaði.

Fjarlægði vaxpappírinn og VOILA, pís of keik :)

 klippti svo út ljósakrónuna...bara svona ca. En þið megið alveg vera nákvæmari ef þið viljið. Eða klippa bara ferning. Útlínurnar verða mjög ógreinilegar með þessari aðferð.


Sama system, pappír á kertið og vaxpappírinn yfir. Takiði eftir því hvað pappírinn er krumaður?  Jebb...ég var í smáááá vandræðum, því myndin var aðeins of stór þannig að ég þurfti að láta hana ná uppí þar sem kertið var brunnið og beyglað. En það slapp til. Best er að vaxpappírinn sé aaaalveg sléttur.


Skohh...bara allt í lagi :)

Kertin fóru svo bara aftur á sinn stað. Ég þarf svo að skella myndum á þessi litlu við tækifæri og/eða kannski setja smá borða á eitt eða tvö kerti :)

awwww....svo faaallllegt! :)

Voruði að spá í könglana?  Sko...Dossa segir að könglar séu ekki bara jóla, heldur líka vetrarskraut :) og ég trúi öllu sem Dossa segir :Þ

Adíoss :)

Saturday, February 4, 2012

Kerti og servíettur...




Það er svolítið smart að setja eina af servíettunum sem á að nota í matarboðið  eða afmælisveisluna utan um kerti til að hafa í boðinu, já eða bara nota afgangservíettu á kerti og gefa góðri vinkonu :)

Þessi aðferð sem ég nota er ekki ný, ég lærði þetta af vinkonum mínum í ammeríkunni fyrir möööörgum árum, en eina vandamálið var að ég fékk hvergi vax pappír hér á okkar ylhýra. Þar til í fyrir einu eða tveimur árum, þá rakst ég á þennan pappír í Megastore, á 398 kr jú nó :)  Mín soltið happy þann daginn skal ég segja ykkur. Ég veit ekki hvort þessi pappír fáist ennþá þar en það er alls ekki ólíklegt :)

Ég er oft spurð hvort vaxpappír sé eins og bökunarpappír.... svarið er nei...alls ekki eins pappír, en ég reyndi á sínum tíma að nota bökunarpappír og það gekk ekki vel skal ég segja ykkur. Það er svo vont að ná pappírnum af kertinu og hann vill dökkna af hitanum.

Í þessari sýnikennslu nota ég Marimekko servíettu til að setja utan um allt kertið. Það er líka hægt að setja bara á hluta af kertinu, t.d. rönd upp og niður eða hringinn. Þessa aðferð má líka nota með þunnan pappír. Silkipappír hentar mjög vel í það. T.d. er hægt að prenta á hann eða stimpla myndir og/eða texta og jafnvel lita.

Eníhú, þá ákvað ég bara að búa til smá svona sýnikennslu í þessu. Vippum okkur bara í þetta....

Það sem maður þarf er: Kerti (best að nota ljóst), servíetta, vaxpappír, hitablásari (nei hárblásari virkar ekki, svona hitarar fást t.d. í föndurverslunum) og skæri/skeri.


Fyrst flettir maður ysta laginu af servíettunni

Svo mælir maður hvað maður þarf að klippa eða skera mikið af servíettunni.

Mér finnst betra að nota skera, því þá verður skurðurinn svo beinn og fínn.

Rífið bút af vaxpappírnum sem nær vel utan um kertið. Svo er servíettunni vandlega vafið utan um kertið og ef hún er of löng, þá klippið þið af það sem er umfram. Ég læt servíettun ná svona ca 1 cm saman.

því næst vef ég vaxpappírnum þétt utan um (vaxhliðina að kertinu) og held pappírnum saman með höndunum. Það má líka festa hann með t.d. títuprjónum.

Þá er að hita. Passið að hita ekki of lengi á sama stað, þá rennur vaxið á kertinu of mikið. En það þarf samt að hita nógu mikið. Það sést vel þegar vaxið er komið í gegnum servíettuna, þá dökknar vaxpappírinn, eins og sést vel á þessari mynd.

 Svo heldur maður bara áfram að hita þar til maður er kominn allan hringinn.

Stundum er erfitt að ná allan hringinn í fyrstu hitun. Hitabyssan er rosalega heit og það þarf að passa að brenna ekki dýrmætu puttana sína :)  Þess vegna bræði ég oftast bara uþb helminginn af kertinu, eða eins mikið og ég get, því vaxpappírinn má ekki vera krumpaður, þá verður kertið krumpað (nema maður sé að sækjast eftir þannig áferð). Ég tek vaxpappírinn af og legg svo nýjan utan um kertið og hef þá miðjuna á vaxpappírnum, þar sem ég átti eftir að hita kertið. Ef þið lendið í því að það komi krumpur, þá er alltaf hægt að hita aftur með nýjum sléttum pappír.
  Voila, vaxpappírinn farinn og kertið tilbúið :)


Skelltið þessu svo á smá undirskál og kveikti á Marimekko kertinu mínu, sem tók mig 14 mínútur að gera. (helmingi lengri tíma en venjulega, því ég þurfti alltaf að vera að taka myndir :Þ


Servíettan bræðist í raun inní kertið, þannig að það verður þunn vaxhúð utan um hana. Þegar kertið brennur svo niður verður hólkur eftir. Servíettan er ennþá úr pappír svo hún getur brunnið, en ef kertið er nógu vítt, þá ætti loginn ekki að ná í hana. En ef þið eruð smeik við þetta, þá má bara klippa af servíettunni jafnóðum og kertið brennur innan úr. Það kviknar ekki í servíettunni fyrr en nánast allt vaxið er farið af henni.  


Hér er mynd af kerti sem ég gerði fyrir jólin og setti í svona smá aðventukörfur handa vinum og ættingjum :)



og hér er annað sem fylgi með í pakka til vinkonu :)



Verði ykkur að góðu elskurnar :)



Friday, February 3, 2012

Afmæli


Vinkona mín átti afmæli fyrir stuttu og við slógum saman í gjöf handa henni nokkar vinkonurnar, svona eins og gengur og gerist :) Við keyptum fallegt hálsmen frá Sif Jakobs. Það kom í minn hlut að pakka gjöfinni inn og gera kort, enda finnst mér það svo gaman ; D . Nú jæja, þegar kortið var tilbúið, lenti ég í sömu vandræðum og oft áður, kortið var í svona hefðbundinni stærð, en skartgripakassinn mikið minni. Það fannst mér alveg ómögulegt, svo annaðhvort var að annað og minna kort, eða stækka pakkann.  Á síðustu stundu reif ég fram lopapeysu servíettu frá Heklu og hvítt kerti sem ég átti. Notaði vaxpappír og hitabyssu og bræddi servíettuna á kertið. Stillti þessu svo upp á smá kassa sem ég pakkaði inn í svartan pappír og dúndraði þessu svo öllu í sellófan. Borðar og nokkur útþrykkt snjókorn og voila... alles klar.  :)



Kortið var gert úr hvítum kartonpappír sem ég stimplaði blómakrans á með vatnsþynntu Tim holtz bleki, fjólubláu. Því næst sletti ég sterkari blöndu af sama blekinu á kortið og bætti við nokkrum slettum af Tattered Angels glimmer misti, graphite. Svarti borðinn og snjókornið eru þrykkt út í pappír með munsturgöturum frá Martha Stewart . Perlurnar gerði ég svo með Viva perlupenna. Blómin er keypt tilbúin, þetta litla frá Skrappoggaman.is og þetta stóra frá Prima. Stóra blómið var hvítt í pakkanum en eftir svipaða mistmeðferð og pappírinn fékk og smá silfur glimmer leit að svona út :)

Ég veit þið trúið því ekki hvað það er gaman að leika sér með blek :Þ

Wednesday, January 25, 2012

"Nýtt" vinnuherbergi


Taaadddaaaraaaaa! Tiltektinni ógurlegu er lokið og litla vinnuherbergið er eins og nýtt :) Mikið er þetta gaman!  Ég skil ekki af hverju ég var ekki LÖÖÖÖNGU búin að þessu.  En það er dálítið oft þannig með verkefni sem ég klára en hef látið sitja á hakanum lengi. Þetta er einhvernvegin alltaf minna mál en maður hélt....eruð þið ekki svona líka?

En allt í allt fóru um 7 (SJÖ) fullir svartir ruslapokar út úr þessu herbergi, meirihlutinn fór á haugana (fyrirgefið mér húnvetningar) restin fékk nýtt heimili :)

Eftir margra daga sorteringar á dóti (það var sko líka tekið til í skápunum) málaði ég svo herbergið í súkkulaðibrúnu til að fá svona hlýju í herbergið. Ég var svolítið smeyk við að mála svona lítið herbergi svona dökkt, en gömlu skáparnir hafa alveg stórlagast við þetta og ég er alveg rosalega sátt með þennan lit.

Ahhhh....nú verður sko gaman að föndra :)








Viljiði sjá fyrir myndirnar líka?  úff....ég fæ hnút í magann við tilhugsunina að setja þessar myndir á netið.... en jæja...þetta er soltið fyndið að bera þetta saman.



Fyrir


Eftir

Fyrir                             

 

Eftir:



Fyrir


Eftir:



Finnst ykkur þetta ekki bara orðið hið huggulegasta vinnuherbergi ? :)

Tuesday, January 17, 2012

Tiltekt

Ég datt í einhvern rosalegan tiltektargír fyrir helgi og er búin að eyða þremur dögum hér í vinnuherberginu við djúphreinsun á allt áratugsgömlu uppsöfnuðu dóti. Það er merkilegt hvað maður nær að sanka að sér af dóti og DRASLI! ÞRÍR fullir svartir ruslapokar komnir út í gám og ég loksins farin að sjá fyrir endann á þessu, þá dettur mér í hug að fara að mála herbergið. Svo þið verðið að bíða ögn eftir myndum. 

Annað verkefni sem hefur lengi verið á tú dú listanum mínum fór loks í framkvæmd rétt fyrir jól. Að hengja upp fjölskyldumyndir. Það er bara eitthvað svo huggulegt og heimilislegt við það. Rammarnir eru héðan og þaðan, nokkrir áttu einmitt orðið lögheimili í einni hrúgunni í vinnuherberginu og biðu þess að fá æðra hlutverk. 

Ég ætlaði fyrst að setja þetta allt í eina stóra þyrpingu á ákveðinn vegg, en svo fannst mér þetta miklu betra svona, í tveimur þyrpingum á tveimur minni veggjum.  Rammarnir eru svo miklu meira happý núna...ég bara finn hvað þeir eru glaðir :)
 

Ég bjó til tússtöflu úr einum rammanum sem fóru á vegg í eldhúsinu. Eina sem ég gerði var að setja skrapppappír í rammann í staðinn fyrir mynd. Fyrir jólin notuðum við hana sem aðventudagatal og svo voru teiknaðar jólamyndir og oþh um jólin. Núna er hún notuð fyrir matseðil vikunnar (siður sem ég er að reyna að venja mig á), innkaupalista, spakmæli og skilaboð. Ég var var hins vegar ekki fyrr búin að dáðst að þessu þegar kallinn var búinn að hengja þetta upp þegar þau feðgin fóru að nota töflutússpennann til að teikna inná hinar myndirnar :Þ Mér hafði ekki dottið sá möguleiki í hug. En þetta gekk yfir og nú fá fínu myndirnar að vera í friði.....jaaa eða svona að mestu :)



Spakmæli dagsins: 

HINKRAÐU
...áður en þú gagnrýnir
HLUSTAÐU
...áður en þú bregst við
HUGSAÐU
...áður en þú talar
REYNDU
...áður en þú gefst upp

Umslagakort

Ég hannaði þetta snið af umslagakortum fyrir um 2 árum, bjó síðan til smá sýnikennslu á aðferðinni fyrir snappið mitt. Ég hef oft verið...