4. des - Aðventukrans - TJÉKK

Það er eitthvað alveg sérstakt við að kveikja á fyrsta aðventukertinu. Í öllu annríkinu finn ég frið og gleði í hjartanu og það hellist yfir mig löngun til að sitja bara, gera ekkert nema horfa á fallega ljósið á kransinum mínum. Mikið er það yndislegt.

Nú ilmar húsið af greni, Ég notaði greni, furu, silkifuru og búksus í kransinn.

Ég er nú ekkert sérstakt náttúrubarn (get ekki haldið lífi í einni einustu plöntu) en ég læt mig hafa það  einu sinni á ári að verða öll í harpix á höndunum og fá mold undir neglurnar.  :)

Ég ákvað að nota bara sama sujstemið og síðustu ár, enda alveg dásamlegt að geta notað blautt oasis á bakkann og vökvað grenið.  :) 

Ég gat ekki valið hvort ég ætti að setja texta á kertin eða tölur, svo ég gerði bara bæði :) 

Ég bræddi "Við kveikjum" vísurnar á hvert kerti, sýnikennsla hér.

Kúlurnar þæfði ég með nál á frauðkúlur (lærði það af nýju samstarfskonunni ;) og stjörnurnar bjó ég til úr blaðsíðu úr ónýtri bók og setti perlubrads í miðjuna (fást í skrappoggaman.is)

Gataði svo gamla stafi sem ég átti (Thickers) og stakk prjóni í gegn til að festa á kertið. Þeir verða svo bara færðir neðar þegar kertið brennur niður.

Hvað getur maður eiginnilega tekið margar myndir af einum kransi? Hér eru tvær í lokin svona kósí með engri aukalýsingu.

Það var orðið svo dimmt til að taka myndir að ég bjargaði mér með því að (haldiði ykkur) setja lampa á hausinn á mér á meðan ég tók hinar myndirnar. Já ekki neitt svona iðnarljós á hjálmi eða þannig, ó nei! ég greip bara næsta lampa sem er þessi sniðugi úr Tiger, hvítt blóm á svona sveigjuarmi. Ég beygði arminn þannig að ég gat sett lampann eins og kórónu á hausinn. Jedúddamía það sem maður gerir ekki til að standa sig í jólablogginu :) 

En semsagt, eitt stykki aðventukrans, TJÉKK!

2. desember - 1. í aðventu

Elskurnar mínar, það er fyrsti í aðventu í dag og ég er að venju EKKI búin að gera aðventukransinn. Ég skil barekki hvernig þetta gerist ár eftir ár. Ég sem eeeeelska að gera aðventukransinn.  Ég er að vona að ég nái að dúllast í þessu í kvöld. Það er ekkert búið að ákveða hvernig hann verður, ekki einu sinni komið greni í hús, obbobbobb. En þetta stendur allt til bóta. 

en þangað til, Christmas past.....  

Það var pínu fyndið að rifja þetta upp, mér finnst þeir nú ekki allir alveg eins OSOMM og þegar ég gerði þá, meira að segja gretti ég mig við amk einum. hehehe. en þeir voru allir elskaðir á sínum tíma. :) Svona er tískan skemmtilega breytileg. 

Ég hef gert jólakrans síðan ég byrjaði að búa (fyrir rúmum 20 árum... OMG!)  Ég hef yfirleitt tekið myndir af þessum krönsum (misgóðar reyndar) og lengst af var kransinn kringlóttur með háum kertum. En síðustu 10 ár hefur þetta aðeins breyst.  Ég á því miður bara myndir á digital síðan 2003 og 2004 og 2005 bara finn ég ekki.  Eldri myndir eru bara til á filmu og það tæki mig of langan tíma að grafa það allt upp þó það væri reyndar ótrúlega gaman :) kannski finn ég tíma í það seinna.

Byrjum á kransinum í fyrra, brjálað hugrekki að hafa hann svona "óhefðbundinn" í lit fannst mér, átti alveg rosalega erfitt með það.  Ég hugsa að ég tóni þetta aðeins niður í ár aftur :) En þetta var skemmtileg tilbreyting.

2010 - Þessi krans var gerður á núll níu man ég. En hann er bara sætur samt, kertin falleg líka :)

 2009 - Kertin voru nú fjólublárri minninr mig, en myndast bara svona voðalega rauð. Þarna hafði ég rekið augun í þennan líka þægilega bakka undir kransinn í Rúmfó sem ég hef notað síðustu 3 ár. Spurning hvað ég geri í ár.... hvað finnst ykkur? 

2008 - Fjólublá tímabilið stóð yfir í 3 ár hehehe. 

2007 - Þessi mynd var nú tekin rétt áður en ég reif allt af honum og pakkaði niður jólunum. Hann stendur þarna ofan á kassa ásamt fullt af jóladóti á leið í geymsluna.

2006 - Ég man að ég keypti þessi kramarhús á útsölu eftir jólin 2005 því ég varð alveg ásfangin. og þessi krans var algjör bylting í kransagerðinni hjá mér. Silfur og hvítt bara. En mér finnst þessi krans ennþá bara fallegur :)

 2003 - Svona var kransinn lengst af (sést nú ekki vel þið skiljið fáið smá hugmynd) Há kerti og oftast með gulli. Skonsan mín þarna bara 8 ára að borða myndaköku og horfa á teiknimyndir á jóladag á meðan við foreldrarnir undirbjuggum jólaboð. (eigum við eitthvað að ræða þenna dýrindis lampaskerm sem ég klæddi..... í stíl við gardínurnar!!!!  múhahahaha)

Þá er það stóra spurningin, ætli þið fáið að sjá nýjan krans á morgun.... 

Páskar....

voru páskar? :o

Á þessu heimili fóru nú frekar lítið fyrir páskaskreytingum enda lá mín í þessar líka fínu flensu. 2 vikur! Jesssörrí ! Ekki spennandi :I

En betra er seint en aldrei, aldrei er of seint gott að gjöra og að hika er sama og tapa. Aumur er iðjulaus maður en allt verður einhvernveginn að vera..... nei ok...ég er ekki enn með hita. 

Það eina sem ég náði að gera sérstaklega fyrir þessa páska var að setja 2 kerti á bakka...  Vúhúú :Þ

...og troða nokkrum blómum á þau. Kertin áttu að vera þrjú, en það þriðja beið alltaf eftir því að lasarusinn skellti bleikri doppóttri servíettu utan á það. En það gerðist aldrei og kertið fær því annað hlutverk seinna. Flest blómin fást í þeirri dásemdarverslun Skrappoggaman

Þennan yndislega kertastjaka og kertið gaf hún bestasta systir mín um daginn. Það fékk smá sona páskaskreytingu í leiðinni. Litla doppan með nótunum er splitti sem ég stakk bara í kertið. Mér finnst það alveg ótrúlega bjútífúl :) jább og þetta dót fæst líka í....aldrei er góð vísa of oft kveðin.....Skrappoggaman ;Þ

Ég afrekaði líka að skipta um þessi kerti og setja svona soft túrkís kerti sem ég fékk í Europris á útsölu á spottprís :) 

Finnst ykkur þessar hænur ekki ÆÐI! úff hvað ég ÖLSKA þær. Bara tú kjút þessar elskur :) Ég veit ekki hvar þær fást, tengdó gaf okkur þær fyrir nokkrum árum.

Líka þessar :)  Sprellikallinn var keyptur í Puerto Rico í fyrra.

Ég bara stóðst ekki þessar í Europris um daginn. Eitthvað svo flöffí og sætar :)

Ég varð að taka mynd af þessari blómagrein sem ég hef átt lengi. Mér finnst hún bara svo vorleg og falleg eitthvað. En hún fær nú að vera uppivið lengur en bara á páskum :) 

Svo eru það þessar rósir, algjört augnakonfekt.  Keypti þær í fyrrasumar í Europris. Beygði stilkana á þeim og tróð þeim ofaní blómapott.  

Unginn í egginu er eitt af elsta páskaskrautinu mínu. Þenna fékk ég í afmælisgjöf fyrir löööngu. Afmælið mitt lendir oft á páskum og því læðist oftar en ekki eitthvað páskaskraut í eða á pakka. Bara gaman að því :)  

Þessi krúttbolti er 25 ára í ár :) 

  Tókuð þið eftir eggjunum á nokkrum myndunum?  Dóttir mín (16 ára) uppástóð það í fyrra að fara að blása úr eggjum og mála. Ég var nú ekki alveg að nenna að fara að sullast við að blása úr eggjum, en gaf henni leyfi til að reyna þetta sjálf. Ég hélt nú reyndar að hún myndi gefast upp fljótlega en sei sei nei. Gellan tæmdi tvo stóra eggjabakka og fór svo að dunda sér við að mála. Það leið nú ekki á löngu þegar "barnið" var búið að standa í öllu veseninu að mamman settist niður og málaði nokkur egg líka. :)

Bara sætt erþaggi? Eða kannski pínu skerí : D

Í upphafi skyldi endirinn skoða.... ég verð nebblega að segja ykkur frá þessari sætu ungafjölskyldu sem býr í þessum eggjabakka :) Ég keypti hann af eldri borgara sem býr þá til. Hún setur þá í eggjabakka bæði til að geyma þá og til að stilla þeim upp á sölubásnum. En ég vildi nottla fá eggjabakkann með. Finnst þetta alveg brill hugmynd :)

Allt tekur enda um síðir...  líka meðganga systur minnar (þessari bestustu).  ÉG eignaðist litla yndislega frænku um páskana.  :Þ  Til hamingju Helga og Villi með prinsessuna :)

 Hér er sko SÆTASTI páskaunginn :) eigum við eitthvað að ræða hárið á barninu!

Af hverju að skipta um umræðuefni...

þegar umræðuefnið er svona skemmtilegt og vinsælt, höldum áfram að skreyta kerti :)
Núna er einmitt tími kerta og kósíheita :)

  

Mér datt í hug að sýna ykkur hvernig hægt er að stimpla á kerti.  Eins og þetta silfraða hér að ofan (hitt er úr sýnikennslunni um daginn)

Það sem þarf, er kerti (daaaa), stimpill og blekpúða. (Blek er mjög mismunandi, svo þið verðið eiginnilega að gera prufu t.d. á afgangskertastubb).  Ég notaði Archival blek sem fæst hjá skrappoggaman.is og gamlan stimpil sem ég ööölska og er frá Lil' Davis stamps.

Fyrri hluti: Leggið stimpill á bakið og blekið hann vel. (þetta er auðveldi hlutinn) :)

Seinni hluti: Nú þarf maður að setja tunguna út og vanda sig :)
Haldið með BÁÐUM höndum á kertinu og rúllið því hægt en örugglega eftir stimplinum. (þessi og næsta mynd voru feikaðar, því ég gat ekki bæði haldið á myndavélinni og rennt kertinu yfir ;Þ ).

VOILA :) Tilbúið !!!!  (þrífið stimpilinn vel ef ykkur þykir vænt um hann)

Það væri alveg hægt að nota kertið bara svona. 

En ég gat nottla ekki hætt og fór að leita að perlu til að setja í miðjuna.....

...Stóra.......

......litla.......

...eða kannski túrkís.... Það er svo hentugt að máta þessar sjálflímandi perlur við allt mögulegt.

Ef þið eruð ekki með sjálflímandi perlur eða skraut, þá er þetta lím aaaaalgjör snilld :)  (jújú, fæst í Skrappoggaman.is)

Svo datt mér í hug að nota perlupenna til að gera "gervi" perlur allan hringinn.

Þarna hefði ég átt að hætta, en ég gat ekki stillt mig um að prófa að setja smá silfur glimmer, en mér fannst það svo ekki vera að gera sig.

Og þarna eru þau svo saman. Marimekko kertið og nýja stimplaða kertið.

Hér er svo annað svona kerti sem ég gerði í fyrravetur.  Þarna notaði ég hvítt Stazon blek,  munsturgataða pappírsræmu og snjókorn, blóm og borða.

Alveg í stíl við kortið sem fylgdi með, en ég á ekki mynd af því, en það var eins og þessi, nema í sömu litum og kertið :)

Var ég búin að segja hvað ég ööölskennan stimpil :)

Meiri kerti

Vá hvað það er gaman að sjá svona traffík síðustu 2 daga....og takk fyrir öll kommentin. Það er gott að vita að maður er ekki bara að samkjafta hérna :Þ  ég er nebblega soltið góð í því. híhí :D

Ég æstist bara öll upp (vá hvernig ætli þetta þýðist á google translate..hohoho) við þessar frábæru móttökur svo ég gat ekki stillt mig um að gera fleiri kerti.

Þetta er sama aðferð og ég notaði í sýnikennslunni (þið finnið hana HÉR) en núna notaði ég einhvern þunnan pappír sem ég átti og prentaði á hann. Mig minnir að þetta hafi verið þunnur vélritunarpappír, eða einhver pappír sem var notaður til að draga upp í gegnum (ca 20 ára gamall :Þ). En allavega, þá er gott að nota pappír sem er mjög þunnur, t.d. silkipappír. Ég held að hvítur silkipappír fáist í Hvítlist og etv. er hægt að finna hann í föndurbúðum eða blómabúðum.

Ég bjó til myndirnar með burstum í photoshop. En það er hægt að nota hvaða myndir sem er auðvitað. *hint hint...ljósmyndir á fermingarkertin*

Prentarinn minn tók pappírinn sem ég notaði og prentaði á hann eins og venjulegan pappír. En ef þið lendið í vandræðum með að setja þunnan pappír í prentarann ykkar þá er ágætt ráð að klippa hann aðeins minni en A4 og líma (með límbandi) á venjulegan A4 prentarapappír. Þá ætti þetta að ganga eins og í sögu :)

Hér er blaðið beint úr prentaranum, ég prentaði það í hlýjum dökkgráum tón, ekki svörtum svo það væri aðeins mildara.

Svo greip ég 2 kerti sem voru ekki alveg búin eftir jólin.

Sneið til pappírinn þannig að hann passaði á kertið og setti svo vaxpappírinn utan um og hitaði.

Fjarlægði vaxpappírinn og VOILA, pís of keik :)

 klippti svo út ljósakrónuna...bara svona ca. En þið megið alveg vera nákvæmari ef þið viljið. Eða klippa bara ferning. Útlínurnar verða mjög ógreinilegar með þessari aðferð.

Sama system, pappír á kertið og vaxpappírinn yfir. Takiði eftir því hvað pappírinn er krumaður?  Jebb...ég var í smáááá vandræðum, því myndin var aðeins of stór þannig að ég þurfti að láta hana ná uppí þar sem kertið var brunnið og beyglað. En það slapp til. Best er að vaxpappírinn sé aaaalveg sléttur.

Skohh...bara allt í lagi :)

Kertin fóru svo bara aftur á sinn stað. Ég þarf svo að skella myndum á þessi litlu við tækifæri og/eða kannski setja smá borða á eitt eða tvö kerti :)

awwww....svo faaallllegt! :)

Voruði að spá í könglana?  Sko...Dossa segir að könglar séu ekki bara jóla, heldur líka vetrarskraut :) og ég trúi öllu sem Dossa segir :Þ

Adíoss :)