Ég get ekki beðið lengur....

með að sýna ykkur hvað ég er búin að vera að dúlla mér í þvottahúsinu. Eða finnst ykkur ekkert gaman að þvo þvott?  .....nei ekki mér heldur...eða mér FANNST það ekki gaman.  En það standa endurbætur yfir í þvottahúsinu sem eru alveg að klárast. Það eina sem vantar eru hurðar á skápana og borðplata yfir þvottavélina og þurkarann og það verður einhver smá bið eftir því, EN það er strax orðið MIKLU skemmtilegra að þvo þvott! Á ég að segja ykkur af hverju?


Jú það eru allir litlu hlutirnir  : )

Þvottaefnið fékk stóra fína krukku til að búa í....

  

...og mýkingarefnið svona úber sæta flösku

Uppþvottaduftið leigir í þvottahúsinu, enda uppþvottavélin bara handa við vegginn. Miklu þægilegra en að bogra í vaskaskápnum :)

Ég fékk krukkurnar í Pier en flöskuna í Nettó og dundaði mér svo við að skreyta þetta smá :)

Skrautið er úr Skrappoggaman og fleiri fallegum föndurbúðum.

Ég stóðst ekki þennan blómapott í IKEA, svo fallegur :) 

 og þessi vasi og vatnsúðakanna fundust í Tiger :)

Þetta hjarta gerði ég þegar ég fór á námskeið til henna Dísu í Auskulu. Dásemd!

og þar sem ég er búin að vera að drita niður myndum út um alla íbúð þá varð ég að setja eina í þvottahúsið. Þetta er fallega dóttir mín að telja táslurnar sínar :)  Dregur fram bros hjá mér í hvert sinn sem ég geng inní þvottahúsið :)

Rammann fékk ég annaðhvort í RL design eða Tiger design. Nema að hann var silfurlitaður. Ég spreyjaði hann svo svartan, nema mér lá svo mikið á og spreyjaði hann í hörkufrosti úti á palli. EKKI gáfulegt :Þ  Lakkið varð allt krumpað sums staðar. Ekkert voða smart. En neyðin kennir naktri konu að spinna. Ég prófaði að pússa rammann en þurftið að pússa of mikið til að ná krumpunum. Nú þá datt mér í hug að finna bara sætan túrkís litaðan pappír og klæða yfir messið. Jú það var bara fínt...NEMA mér tókst að skemma aðeins pappírinn á síðustu metrunum í einu horninu. Nú... finnum bara blóm og eitthvað til að fela þetta :Þ

Jább stundum gerast hlutirnir bara svona óvart! : )

Bókaflóð

Mér hafa alltaf fundist heimili full af bókum eitthvað svo heimilisleg og líka svolítið gáfuleg.  Við eigum ekkert rosalega mikið af bókum :Þ en nokkrar samt.  :)

Einu sinni vorum við með hilluveggi og þá fengu bækurnar að vera í stofunni, en svo fyrir nokkrum árum viku hillurnar fyrir skenkjum í stofunni, og bókunum var holað inní skápa, ofan í skúffur og uppí hillur í vinnuherberginu og góður slatti fór í kassa og á bókasafn.

Núna er vinnuherbergið frekar þétt skipað af ýmsu dóti og ég mikið búin að spá í hvað ég geti gert við blessaðar bækurnar. Það væri dásamlegt að koma amk hluta af þeim úr vinnuherberginu.

Þegar tiltektin mikla í vinnuherberginu stóð yfir í síðasta mánuði, tók ég 24 bóka safn af Encyclopedia Britannica sem fyllti hér nærri 2 hillur og setti þær ofan á einn skenkinn í stofunni til bráðabirgða. En þetta er svo rosalega yfirþyrmandi eitthvað.


Þetta eru svona, svakalega stórar og þungar bækur.  Rúmlega meter allar saman í röð :o

Eiginmaðurinn erfði þetta eftir afa sinn og þar sem að hann býr hér líka, þá verð ég að koma þessu fyrir þannig að ég fór í smá goggle og pinterest leiðangur í leit að lausn á þessu máli.

Eftir laaaanga leit...þá fann ég lausnina....

 Ég læt hann bera þær fram og til baka um íbúðina á meðan ég "prufa" ýmsa staði... eftir stutta stund býðst hann til að gefa þær :Þ Nei ok...  ég verð að taka þetta alvarlega......

Hvað ef ég bora út úr þeim og bý til blómapotta....

... eða sker út úr þeim svona vasa, bý til koll eða lampa :Þ

Nei kannski ekki....

EN

Það væri kannski frekar að gera úr þeim bókahillu :) Brill hugmynd :)

takið eftir HILLUNNI!  (já einmitt...ég sá þetta ekki alveg strax heldur)

eða bara massívar bókahillur

aftur takið eftir HILLUNUM

Kannski ekki of vinsælt hjá bóndanum.  Það er smá issue að það sé hægt að nota bækurnar. :)

OK! Einbeita sér að verkefninu! :Þ

Back to business.....Þetta er soltið kúl...

en ekki víst að ég fengi að rífa kápurnar af bókunum : I

awww... ef bækurnar væru nú allar með svona fallegum kjölum sem pössuðu svona flott saman...

aaaaaaahhh....bjútí :)

Stendur ekki einhverstaðar...ekki dæma bókina af kápunni.....

Það væri hægt að klæða kilina í smá dulargerfi... eithvað svona til að brjóta upp þennan risaklump af bókum.

Þetta er kannski aðeins of mikil litagleði fyrir minn smekk en góð hugmynd :)

Svo finnst mér alltaf svolítið kjút að setja bækur í stiga

en enginn stigi á þessu heimili....

Þetta finnst mér ÆÐI!

Kannski gæti ég komið þeim fyrir í nýju sófaborði....

Mér líst alltaf betur og betur á þessa hugmynd :)

Ef ég ætti hins vegar fullt fullt af bókum, þá væri þeim örugglega raðað einhvernveginn svona....

Svo nú mun ég spá betur í kilina áður en ég kaupi nýjar bækur. 

Þessar mundu t.d. allar komast í gegnum síuna :)

Bækurnar mínar, þessar sem ég á eru þó enn á hrakhólum. 

Hafið þið einhverar frábærar hugmyndir handa mér?

Men hvað þetta var langur póstur. Þið eruð hetjur sem skrolluðuð alla leið hingað :)

Af hverju að skipta um umræðuefni...

þegar umræðuefnið er svona skemmtilegt og vinsælt, höldum áfram að skreyta kerti :)
Núna er einmitt tími kerta og kósíheita :)

  

Mér datt í hug að sýna ykkur hvernig hægt er að stimpla á kerti.  Eins og þetta silfraða hér að ofan (hitt er úr sýnikennslunni um daginn)

Það sem þarf, er kerti (daaaa), stimpill og blekpúða. (Blek er mjög mismunandi, svo þið verðið eiginnilega að gera prufu t.d. á afgangskertastubb).  Ég notaði Archival blek sem fæst hjá skrappoggaman.is og gamlan stimpil sem ég ööölska og er frá Lil' Davis stamps.

Fyrri hluti: Leggið stimpill á bakið og blekið hann vel. (þetta er auðveldi hlutinn) :)

Seinni hluti: Nú þarf maður að setja tunguna út og vanda sig :)
Haldið með BÁÐUM höndum á kertinu og rúllið því hægt en örugglega eftir stimplinum. (þessi og næsta mynd voru feikaðar, því ég gat ekki bæði haldið á myndavélinni og rennt kertinu yfir ;Þ ).

VOILA :) Tilbúið !!!!  (þrífið stimpilinn vel ef ykkur þykir vænt um hann)

Það væri alveg hægt að nota kertið bara svona. 

En ég gat nottla ekki hætt og fór að leita að perlu til að setja í miðjuna.....

...Stóra.......

......litla.......

...eða kannski túrkís.... Það er svo hentugt að máta þessar sjálflímandi perlur við allt mögulegt.

Ef þið eruð ekki með sjálflímandi perlur eða skraut, þá er þetta lím aaaaalgjör snilld :)  (jújú, fæst í Skrappoggaman.is)

Svo datt mér í hug að nota perlupenna til að gera "gervi" perlur allan hringinn.

Þarna hefði ég átt að hætta, en ég gat ekki stillt mig um að prófa að setja smá silfur glimmer, en mér fannst það svo ekki vera að gera sig.

Og þarna eru þau svo saman. Marimekko kertið og nýja stimplaða kertið.

Hér er svo annað svona kerti sem ég gerði í fyrravetur.  Þarna notaði ég hvítt Stazon blek,  munsturgataða pappírsræmu og snjókorn, blóm og borða.

Alveg í stíl við kortið sem fylgdi með, en ég á ekki mynd af því, en það var eins og þessi, nema í sömu litum og kertið :)

Var ég búin að segja hvað ég ööölskennan stimpil :)

Meiri kerti

Vá hvað það er gaman að sjá svona traffík síðustu 2 daga....og takk fyrir öll kommentin. Það er gott að vita að maður er ekki bara að samkjafta hérna :Þ  ég er nebblega soltið góð í því. híhí :D

Ég æstist bara öll upp (vá hvernig ætli þetta þýðist á google translate..hohoho) við þessar frábæru móttökur svo ég gat ekki stillt mig um að gera fleiri kerti.

Þetta er sama aðferð og ég notaði í sýnikennslunni (þið finnið hana HÉR) en núna notaði ég einhvern þunnan pappír sem ég átti og prentaði á hann. Mig minnir að þetta hafi verið þunnur vélritunarpappír, eða einhver pappír sem var notaður til að draga upp í gegnum (ca 20 ára gamall :Þ). En allavega, þá er gott að nota pappír sem er mjög þunnur, t.d. silkipappír. Ég held að hvítur silkipappír fáist í Hvítlist og etv. er hægt að finna hann í föndurbúðum eða blómabúðum.

Ég bjó til myndirnar með burstum í photoshop. En það er hægt að nota hvaða myndir sem er auðvitað. *hint hint...ljósmyndir á fermingarkertin*

Prentarinn minn tók pappírinn sem ég notaði og prentaði á hann eins og venjulegan pappír. En ef þið lendið í vandræðum með að setja þunnan pappír í prentarann ykkar þá er ágætt ráð að klippa hann aðeins minni en A4 og líma (með límbandi) á venjulegan A4 prentarapappír. Þá ætti þetta að ganga eins og í sögu :)

Hér er blaðið beint úr prentaranum, ég prentaði það í hlýjum dökkgráum tón, ekki svörtum svo það væri aðeins mildara.

Svo greip ég 2 kerti sem voru ekki alveg búin eftir jólin.

Sneið til pappírinn þannig að hann passaði á kertið og setti svo vaxpappírinn utan um og hitaði.

Fjarlægði vaxpappírinn og VOILA, pís of keik :)

 klippti svo út ljósakrónuna...bara svona ca. En þið megið alveg vera nákvæmari ef þið viljið. Eða klippa bara ferning. Útlínurnar verða mjög ógreinilegar með þessari aðferð.

Sama system, pappír á kertið og vaxpappírinn yfir. Takiði eftir því hvað pappírinn er krumaður?  Jebb...ég var í smáááá vandræðum, því myndin var aðeins of stór þannig að ég þurfti að láta hana ná uppí þar sem kertið var brunnið og beyglað. En það slapp til. Best er að vaxpappírinn sé aaaalveg sléttur.

Skohh...bara allt í lagi :)

Kertin fóru svo bara aftur á sinn stað. Ég þarf svo að skella myndum á þessi litlu við tækifæri og/eða kannski setja smá borða á eitt eða tvö kerti :)

awwww....svo faaallllegt! :)

Voruði að spá í könglana?  Sko...Dossa segir að könglar séu ekki bara jóla, heldur líka vetrarskraut :) og ég trúi öllu sem Dossa segir :Þ

Adíoss :)