Kerti og servíettur...

Það er svolítið smart að setja eina af servíettunum sem á að nota í matarboðið  eða afmælisveisluna utan um kerti til að hafa í boðinu, já eða bara nota afgangservíettu á kerti og gefa góðri vinkonu :)

Þessi aðferð sem ég nota er ekki ný, ég lærði þetta af vinkonum mínum í ammeríkunni fyrir möööörgum árum, en eina vandamálið var að ég fékk hvergi vax pappír hér á okkar ylhýra. Þar til í fyrir einu eða tveimur árum, þá rakst ég á þennan pappír í Megastore, á 398 kr jú nó :)  Mín soltið happy þann daginn skal ég segja ykkur. Ég veit ekki hvort þessi pappír fáist ennþá þar en það er alls ekki ólíklegt :)

Ég er oft spurð hvort vaxpappír sé eins og bökunarpappír.... svarið er nei...alls ekki eins pappír, en ég reyndi á sínum tíma að nota bökunarpappír og það gekk ekki vel skal ég segja ykkur. Það er svo vont að ná pappírnum af kertinu og hann vill dökkna af hitanum.

Í þessari sýnikennslu nota ég Marimekko servíettu til að setja utan um allt kertið. Það er líka hægt að setja bara á hluta af kertinu, t.d. rönd upp og niður eða hringinn. Þessa aðferð má líka nota með þunnan pappír. Silkipappír hentar mjög vel í það. T.d. er hægt að prenta á hann eða stimpla myndir og/eða texta og jafnvel lita.

Eníhú, þá ákvað ég bara að búa til smá svona sýnikennslu í þessu. Vippum okkur bara í þetta....

Það sem maður þarf er: Kerti (best að nota ljóst), servíetta, vaxpappír, hitablásari (nei hárblásari virkar ekki, svona hitarar fást t.d. í föndurverslunum) og skæri/skeri.

Fyrst flettir maður ysta laginu af servíettunni

Svo mælir maður hvað maður þarf að klippa eða skera mikið af servíettunni.

Mér finnst betra að nota skera, því þá verður skurðurinn svo beinn og fínn.

Rífið bút af vaxpappírnum sem nær vel utan um kertið. Svo er servíettunni vandlega vafið utan um kertið og ef hún er of löng, þá klippið þið af það sem er umfram. Ég læt servíettun ná svona ca 1 cm saman.

því næst vef ég vaxpappírnum þétt utan um (vaxhliðina að kertinu) og held pappírnum saman með höndunum. Það má líka festa hann með t.d. títuprjónum.

Þá er að hita. Passið að hita ekki of lengi á sama stað, þá rennur vaxið á kertinu of mikið. En það þarf samt að hita nógu mikið. Það sést vel þegar vaxið er komið í gegnum servíettuna, þá dökknar vaxpappírinn, eins og sést vel á þessari mynd.

 Svo heldur maður bara áfram að hita þar til maður er kominn allan hringinn.

Stundum er erfitt að ná allan hringinn í fyrstu hitun. Hitabyssan er rosalega heit og það þarf að passa að brenna ekki dýrmætu puttana sína :)  Þess vegna bræði ég oftast bara uþb helminginn af kertinu, eða eins mikið og ég get, því vaxpappírinn má ekki vera krumpaður, þá verður kertið krumpað (nema maður sé að sækjast eftir þannig áferð). Ég tek vaxpappírinn af og legg svo nýjan utan um kertið og hef þá miðjuna á vaxpappírnum, þar sem ég átti eftir að hita kertið. Ef þið lendið í því að það komi krumpur, þá er alltaf hægt að hita aftur með nýjum sléttum pappír.

  Voila, vaxpappírinn farinn og kertið tilbúið :)

Skelltið þessu svo á smá undirskál og kveikti á Marimekko kertinu mínu, sem tók mig 14 mínútur að gera. (helmingi lengri tíma en venjulega, því ég þurfti alltaf að vera að taka myndir :Þ

Servíettan bræðist í raun inní kertið, þannig að það verður þunn vaxhúð utan um hana. Þegar kertið brennur svo niður verður hólkur eftir. Servíettan er ennþá úr pappír svo hún getur brunnið, en ef kertið er nógu vítt, þá ætti loginn ekki að ná í hana. En ef þið eruð smeik við þetta, þá má bara klippa af servíettunni jafnóðum og kertið brennur innan úr. Það kviknar ekki í servíettunni fyrr en nánast allt vaxið er farið af henni.  

Hér er mynd af kerti sem ég gerði fyrir jólin og setti í svona smá aðventukörfur handa vinum og ættingjum :)

og hér er annað sem fylgi með í pakka til vinkonu :)

Verði ykkur að góðu elskurnar :)

Afmæli

Vinkona mín átti afmæli fyrir stuttu og við slógum saman í gjöf handa henni nokkar vinkonurnar, svona eins og gengur og gerist :) Við keyptum fallegt hálsmen frá Sif Jakobs. Það kom í minn hlut að pakka gjöfinni inn og gera kort, enda finnst mér það svo gaman ; D . Nú jæja, þegar kortið var tilbúið, lenti ég í sömu vandræðum og oft áður, kortið var í svona hefðbundinni stærð, en skartgripakassinn mikið minni. Það fannst mér alveg ómögulegt, svo annaðhvort var að annað og minna kort, eða stækka pakkann.  Á síðustu stundu reif ég fram lopapeysu servíettu frá Heklu og hvítt kerti sem ég átti. Notaði vaxpappír og hitabyssu og bræddi servíettuna á kertið. Stillti þessu svo upp á smá kassa sem ég pakkaði inn í svartan pappír og dúndraði þessu svo öllu í sellófan. Borðar og nokkur útþrykkt snjókorn og voila... alles klar.  :)

Kortið var gert úr hvítum kartonpappír sem ég stimplaði blómakrans á með vatnsþynntu Tim holtz bleki, fjólubláu. Því næst sletti ég sterkari blöndu af sama blekinu á kortið og bætti við nokkrum slettum af Tattered Angels glimmer misti, graphite. Svarti borðinn og snjókornið eru þrykkt út í pappír með munsturgöturum frá Martha Stewart . Perlurnar gerði ég svo með Viva perlupenna. Blómin er keypt tilbúin, þetta litla frá Skrappoggaman.is og þetta stóra frá Prima. Stóra blómið var hvítt í pakkanum en eftir svipaða mistmeðferð og pappírinn fékk og smá silfur glimmer leit að svona út :)

Ég veit þið trúið því ekki hvað það er gaman að leika sér með blek :Þ

"Nýtt" vinnuherbergi

Taaadddaaaraaaaa! Tiltektinni ógurlegu er lokið og litla vinnuherbergið er eins og nýtt :) Mikið er þetta gaman!  Ég skil ekki af hverju ég var ekki LÖÖÖÖNGU búin að þessu.  En það er dálítið oft þannig með verkefni sem ég klára en hef látið sitja á hakanum lengi. Þetta er einhvernvegin alltaf minna mál en maður hélt....eruð þið ekki svona líka?

En allt í allt fóru um 7 (SJÖ) fullir svartir ruslapokar út úr þessu herbergi, meirihlutinn fór á haugana (fyrirgefið mér húnvetningar) restin fékk nýtt heimili :)

Eftir margra daga sorteringar á dóti (það var sko líka tekið til í skápunum) málaði ég svo herbergið í súkkulaðibrúnu til að fá svona hlýju í herbergið. Ég var svolítið smeyk við að mála svona lítið herbergi svona dökkt, en gömlu skáparnir hafa alveg stórlagast við þetta og ég er alveg rosalega sátt með þennan lit.

Ahhhh....nú verður sko gaman að föndra :)

Viljiði sjá fyrir myndirnar líka?  úff....ég fæ hnút í magann við tilhugsunina að setja þessar myndir á netið.... en jæja...þetta er soltið fyndið að bera þetta saman.

Fyrir

Eftir

Fyrir                             

 

Eftir:

Fyrir

Eftir:

Finnst ykkur þetta ekki bara orðið hið huggulegasta vinnuherbergi ? :)

Tiltekt

Ég datt í einhvern rosalegan tiltektargír fyrir helgi og er búin að eyða þremur dögum hér í vinnuherberginu við djúphreinsun á allt áratugsgömlu uppsöfnuðu dóti. Það er merkilegt hvað maður nær að sanka að sér af dóti og DRASLI! ÞRÍR fullir svartir ruslapokar komnir út í gám og ég loksins farin að sjá fyrir endann á þessu, þá dettur mér í hug að fara að mála herbergið. Svo þið verðið að bíða ögn eftir myndum. 

Annað verkefni sem hefur lengi verið á tú dú listanum mínum fór loks í framkvæmd rétt fyrir jól. Að hengja upp fjölskyldumyndir. Það er bara eitthvað svo huggulegt og heimilislegt við það. Rammarnir eru héðan og þaðan, nokkrir áttu einmitt orðið lögheimili í einni hrúgunni í vinnuherberginu og biðu þess að fá æðra hlutverk. 

Ég ætlaði fyrst að setja þetta allt í eina stóra þyrpingu á ákveðinn vegg, en svo fannst mér þetta miklu betra svona, í tveimur þyrpingum á tveimur minni veggjum.  Rammarnir eru svo miklu meira happý núna...ég bara finn hvað þeir eru glaðir :)

 

Ég bjó til tússtöflu úr einum rammanum sem fóru á vegg í eldhúsinu. Eina sem ég gerði var að setja skrapppappír í rammann í staðinn fyrir mynd. Fyrir jólin notuðum við hana sem aðventudagatal og svo voru teiknaðar jólamyndir og oþh um jólin. Núna er hún notuð fyrir matseðil vikunnar (siður sem ég er að reyna að venja mig á), innkaupalista, spakmæli og skilaboð. Ég var var hins vegar ekki fyrr búin að dáðst að þessu þegar kallinn var búinn að hengja þetta upp þegar þau feðgin fóru að nota töflutússpennann til að teikna inná hinar myndirnar :Þ Mér hafði ekki dottið sá möguleiki í hug. En þetta gekk yfir og nú fá fínu myndirnar að vera í friði.....jaaa eða svona að mestu :)

Spakmæli dagsins: 

HINKRAÐU
...áður en þú gagnrýnir
HLUSTAÐU
...áður en þú bregst við
HUGSAÐU
...áður en þú talar
REYNDU
...áður en þú gefst upp

Fyrsta síða ársins

Það er svo dásamlegt þegar skrappandinn kemur yfir mann, þessa síðu skrappaði ég með gamalli mynd af sjálfri mér.  Megnið af dótinu í hana fæst í Skrappoggaman.is . Ég er alveg ástfangin af þessum slettustíl sem er svo mikið inn núna. Svona hóflega shabby.  Ég notaði hvíta akrílmálningu og ljóstúrkísbláatt kalkmist í sletturnar. Annars er síðan mjög einföld.

Eigið góða helgi :)

Skrapparinn

Já krakkar mínir, hún Anna Sigga snillingur er með skrappblað á netinu sem heitir Skrapparinn. Hún bað mig um að gera síðu eftir skissu sem hún gerði og er með leik í gangi til 13. janúar. Hvet alla skrappara til að kíkja á þetta. Skissur eru líka frábærar fyrir þá sem eru að byrja að skrappa og vantar smá ramma til að vinna eftir :) Hér er linkur á blogið hennar http://networkedblogs.com/stzHR og þar veljið þið "Skrapparinn og skrollið niður að 5. tölublaði :) Það er súper auðvelt að fletta blaðinu beint á netinu, ekkert download og ekkert vesen :)

Hér er svo síðan sem ég gerði. Myndirnar eru frá því að við hjónin skelltum okkur með vinum okkar til Stokkhólms á tónleika með meistara Leonard Cohen.  Algjör draumur skal ég segja ykkur! :) takið bara eftir sælusvipnum á þeim þar sem við biðum eftir lestinn eftir tónleikana. Priceless!

2012

Gleðilegt nýtt ár! Desember flaug bara út um gluggann hjá mér, ótrúlegt hvernig tíminn flýgur þegar það er gaman :)  Við nutum aðventunnar í botn og merkilega lítið stress sem fylgdi jólunum í ár. Dásamlegt. 

Nú er nýtt ár gengið í garð og ég hef ákveðið gott fólk, að skipta yfir í íslenskuna hér á þessu bloggi.  

Er ekki bara fínt að byrja á því að sýna ykkur nokkrar myndir af jóladótinu mínu...svona rétt áður en ég pakka því niður.  

Fallega stjarnan sem ég keypti fyrir jólin og átti að fara í gluggann, en ég snarhætti við það þegar ég sá svona stjörnu hjá henni Dossu snillingi :)

Skreyting sem ég skutlaði saman og átti að vera til bráðabirgða í byrjun aðventu, en svo var ég bara svo ánægð með hana að hún fékk að standa. Stundum gerast hlutir bara óvart! Hvíta jólatréð er úr Ilvu, silvurlitaða tréð, hreindýrin (ótrúlega falleg fyrir 500 kall), snjókornin, snjórinn og könglarir úr RL. Kertið...síðan á jólunum í fyrra. :o

og hér er fallega fallega hreindýrið sem ég fékk í Pier fyrir jólin. Ég notaði svo afganginn af greninu sem fór í aðventukransinn og setti það í vatn í vasa.

áður en ég brenndi kertin

Þessi engill varð 40 ára um jólin, þetta er spiladós og er mill ALLRAheilagasta jólaskraut.  Englarnir tveir gaf snillingurinn hún tengdamamma mín okkur. En hún býr til jólaskraut og gefur börnunum sínum og barnabörnum um hver jól. Yndi :)

Jólagjöfin frá tengdó í ár :) Þvílíkar dúllur :)

Aðventukransinn, svona rétt áður en hann verður tekinn í sundur. Mér finnst hann alltaf fallegri þegar kertin eru svona brunnin niður.

Litið sætt jólasveinapar frá tengdó, snjókúla sem ég setti mynd og smá skraut inní af dóttur minni og svo jólakötturinn. Snilldarverk eftir Aðalheiði listakonu :)

Önnur stjarnan sem ég keypti fyrir jólin fékk að fara í gluggann, alveg risastór og hún er sko komin til að vera :)

Þessi jólaskreyting er alveg dásemd. Hún fer bara í poka eftir jólin og er svo sett aftur upp næstu jól. Ætli þetta séu ekki 5. jólin hennar. En á hverjum jólum geri ég alltaf smá breytingar á henni, t.d. setti ég núna snjókornin á hana. Í fyrra var ég með stór fjólublá snjókorn á henni. (því þá var fjólublátt þema hjá mér..heheh) Jólasveinninn er að sjálfsögðu frá Himneskum herskörum, eeeelska dótið hjá þeim :)

Þá er það baðið. Við endurnýjuðum baðið fyrir 2 árum og það er svo gaman að skreyta þar. Mér finnst bara allt verða svo fallegt þar inni :)

Ogguponsusveinar frá Svíþjóð, og Prjónuð karfa sem ég nota fyrir þvottastykki á baðinu.

já, ég verð eiginnilega að segja ykkur frá þessari körfu, því bossinn minn, hún Olga, er svo frábær að hún prjónaði 11 svona körfur handa okkur skvísunum í vinnunni fyrir jólin í fyrra. Ekkert venjulegur boss þar á ferð! Já og Þvottaklemmujólinn kemur frá Hvammstanga. Mæli með að kíkka í handverkshúsið þar :)

Þessa sætu jólakalla gerði mamma mín handa okkur. Sætur, sætari, sætastur !

Þessa kappa fann ég fyrir nokkrum árum í 10-11... skemmtilegir. Dúkurinn er úr RL.  Svo leyfði ég bara veskinu að vera með á myndinni...það er nebblega svo fallegt :)

Hér sést svo inná baðið. Það er alveg ótrúlega lítið en ég sýni ykkur það kannski seinna. Nokkrar skemmtilegar lausnir þar.

Fjúff...þetta var rosalegt myndaflóð. Vona að ég hafi ekki gert útaf við ykkur í fyrsta bloggi ársins...

Njótið helgarinnar elskurnar!

Advent is here

I love this time of year and making my advent wreath is my number one necessity for the holiday spirit (not counting the tree.... but that only goes up a few days before christmas).  This is the third year I use a rectangle instead of a circle. What I love about this one is that it sits on a trey that I put oasis soaked in water on.  I then cut down the pine and stick into the oasis. That way I can water the wreath and it stays green for a month :)  I didn't think of taking a photo of the tray before I started so here is one similar I found on the internet.  Mine is all metal, not wood.

I try to do something different every year, but after 20 years, it gets more difficult each year. LOL :D Usually I keep the color combination simple but now I went for all my favorite colors :) White, red, blue/turquoise and brown.  It has taken me a couple of days to get used to how colorful it is, but I think I like it :) OH and to make it all perfect...it started snowing yesterday! :)

Have a wonderful advent!