Friday, March 2, 2012

Fermingar.....kökur...


...eins og ég lofaði :)

Vona að þið hafið haft gaman að fermingarskreytingunum í síðasta pósti :)

Kamilla við kökuborðið

En eins og vera ber, þá er varla hægt að halda veislu án þess að bjóða uppá eitthvað :Þ og eins og með flest annað í sambandi við fermingu dóttur okkar, þá fékk hún að ráða hvort það ætti að vera matur eða kaffi.  Núhh... þar sem að barnið er eitthvað skylt mér, þá vildi hún hafa BÆÐI! 

Foreldrarnir íhuguðu þetta í smá tíma og komust svo að samkomulagi um að það væri hægt að hafa bæði, með því að hafa matinn einfaldan og "bara" fermingartertu og kransaköku í desert og gera kannski bollakökur fyrir krakkana. Sammþykkt! :) Það var svo ákveðið að setja mörkin við 3 rétti sem fermingarbarnið valdi, kjúklingarétt, sweetchili hakkbollur og lambalæri með tilbehör :) Við bættum svo við reyktum og gröfnum laxi (svona í forrétt).

Allir voða glaðir með þetta allt. Það var hægt að gera bollurnar og kjúklingaréttinn áður og setja í frysti. Pís of keik :)   Fjölskyldan var vel virkjuð í það sem þurfti að gera daginn fyrir og samdægurs svo þetta gekk allt eins og í sögu.

Ömmurnar vildu endilega hjálpa til :) og ekki slær maður nú hendinni á móti því :) Önnur bauðst til að gera voða góðan sjávarréttakokteil og hinni fannst nú ekki alveg nóg að hafa "bara" fermingartertu og kransaköku með kaffinu og stakk uppá að gera marengs og rís"kransa"köku fyrir krakkana :) og þessu var bætt við.  Allt í einu varð 3ja rétta maturinn að hlaðborði og "desertinn" að kökuhlaðborði! :Þ  Obbosí! O jæja, við fermum bara einu sinni :Þ

Við erum svo heppin að pabbi minn er bakari og var svo yndislegur að sjá um að gera kransakökuna og fermingartertuna með mér (ég sá bara um skreytingarnar).

Því miður gleymdist að taka mynd af öllum matnum á borðinu, En þarna vantar aðalréttinn á borðið, lambalærið og kartöflurnar.

Jæja, nóg um matinn. Eru ekki allir að bíða spenntir eftir kökunum :)


 Fermingarkakan, það hljóp nú eitthvað aðeins frá okkur pabba tíminn í eldhúsinu, svo það endaði með því að fermingartertan var skreytt á núll níu, bókstaflega. Ég held það hafi í alvörunni tekið 3 mínútur. Muniði eftir blómunum sem ég notaði í vasana. Þeim var bara skellt á kökuna, borða og skrautblómi. Stafina var ég búin að sprauta með súkkulaði áður á bökunarpappír og var síðan bara raðað ofan á marsipanið. 

 Súkkulaðiræmurnar þarna með greinunum, er eitthvað sem maður getur keypt tilbúið.


Litlu grænu blómin eru þau sömu og voru notuð sem borðskraut. 


Fallega muffinsið :)





Muffinsið og rískakan slóu þvílíkt í gegn hjá krökkunum og þær hurfu eins og dögg fyrir sólu. 

Rís "kransa" kakan sem mamma gerði. 




Kransakakan!


Ó hvað ég ööölska kransakökur.  Ég hef nú séð eina og eina kransaköku sem pabbi minn hefur gert um ævina, en OMG þessi finnst mér sú fallegasta og STÆRSTA! 24 hæðir eða yfir 60 cm há, fyrir utan styttuna. Rískakan varð bara eins og kríli við hliðina á henni, en þó var hún samt 18 hæða.

 Ég vildi bara hafa hana einfalda og skreytta með lifandi blómum. 

 Ég var mikið búin að spá í hvað ég ætti að setja á toppinn. Ég er ekki sérstakur aðdáandi plaststyttna úr bakaríum. En einn daginn þegar ég var að leyta að einhverju allt öðru í blómabúð, sá ég hvað þessi var algjörlega pööööfekt á kransakökuna. Plús að hún var ekkert dýrari en bakaríisstytta og prýðir nú herbergi fermingarbarnsins í stað þess að húka einhversstaðar inní skáp. Kannski engin geimvísindi að fatta uppá þessu, en samt einn af hápunktunum í undirbúningnum fyrir mig :)

Nú þar sem að veisluföngin fóru aðeins úr böndunum, þá var SMÁÁÁ afgangur og því var opið hús heima hjá okkur daginn eftir, sem kom sér vel fyrir ferðalanga og dásamlegt framhald og gæðastund með fólkinu fyrir okkur :) 




 Já og svo fann ég myndir af blessaðri skreytingunni sem ég fann ekki í fyrradag.


Ég man ekki hvort ég sagði ykkur það, en skreytingarefnið fékk ég að mestu í blómaval og vasann átti ég. Sparaði mér heilan helling með því að gera þetta sjálf.



Eigiði góða helgi elskurnar og þið sem eruð að fara að ferma...njótið þess að undirbúa þennan dag með barninu ykkar og fáið fólk til að hjálpa ykkur. Ekkert stress! Búið ykkur til ánægjulegar minningar!

ok...svo stenst ég ekki að setja inn eina mynd af fallegustu stelpunni minni. Fermingarmyndirnar voru teknar af Páli Pálssyni ljósmyndara á Akureyri.


...já eða tvær.....

....því ég mundi bara núna að við fórum með fermingargjöfina í myndatökuna, sem var viku fyrr. Kamilla vissi ekkert um það og pakkinn var bara þarna á gólfinu í stúdíóinu og svo í lok myndatökunnar setti ljósmyndarinn pakkann inná mitt gólfið og lét hana stilla sér upp við hann á alla kanta í því yfirskini að þetta væri svona platpakki sem hann hefði látið útbúa fyrir sig fyrir fermingarmyndatökurnar.  Kamillu grunaði ekkert. Þegar hann bað hana svo að opna annan endann gerði hún það ofurvarlega til að skemma ekki "propsið". hehehe...  Stuttu seinna uppgötvaði hún að þetta var hennar pakki og ljósmyndarinn náði undrunarsvipnum og gleðinni á filmu. 



Wednesday, February 29, 2012

Fermingar....


Sennilega eru margir í fermingarundirbúningi um þessar mundir.  Mér finnst alveg ótrúlegt að það séu að verða 3 ár síðan dóttir okkar fermdist. Skvísan er sko að fá bílpróf eftir nokkra mánuði. Ég get svo svarið það!

Mér datt í hug að kannski hefði einhver gagn eða gaman að því að sjá skreytingarnar í fermingunni hennar.

Við (ég) vorum svo óheppin að standa í fermingarundirbúningi veturinn eftir hrunið, ekki mjög heppilegt fyrir föndurkonu eins og mig sem á bara eina dóttur og var búin að plana að dúlla mér við skreytingar og annan undirbúning allan veturinn. Þær urðu ófáar ferðirnar sem ég skannaði búðir í leit að skrauti, fatnaði og þess háttar. Það var sko ekki mikið um dýrðir í verslunum á þessum tíma, og ef ég fann eitthvað fallegt, þá kostaði það yfirleitt hönd og fót.  Flestar búðir voru líka mjög seinar með skreytingar, og því eitthvað erfitt að finna skemmtilegar hugmyndir.  Þetta endaði því flest með því að ég bjó allar skreytingar til sjálf.

fallega fermingarbarnið mitt 

Fermingarbarnið fékk að sjálfsögðu að velja litaþemað fyrir veisluna og varð eplagrænn fyrir valinu. Móðirin hefði getað hugsað sér annan lit í upphafi (bleikan), en tók djúpt andann og leyfði barninu að velja. Þegar svo vöruskorturinn kom í ljós, varð fljótt ljóst að okkur (mig) vantaði annan lit með til að gera þetta aðeins líflegra. Aftur fékk barnið að velja.....og þá fyrst fór nú mamman að svitna yfir litavalinu...júbbb... krakkinn vildi fjólubláan!  Grænt og fjólublátt! Vikurnar liðu og eftir að hafa skoðað allt skreytingarúrvalið á Akureyri 12 sinnum og amk 1 sinni í Reykjavík, þá ákvað ég að gera tillögu að þriðja litnum.  Dóttir mín er auðvitað smekkmanneskja og samþykkti þennan lit strax :) Plómufjólubleikur... eða hvað sem má kalla hann. Þetta varð því niðurstaðan. 

                                                           

Ein ábending til ykkar sem eruð að fara að ferma. Fáið einhvern ættingja eða vin til að taka myndir, af ÖLLU. Fermingarforeldrar hafa oftast í nógu að snúast (við vorum samt með fólk í eldhúsinu) og það gefst ekki svo mikill tími til að mynda allt í bak og fyrir.

Jæja vindum okkur í þetta :)

Ég var svo ljónheppin að fá sal með grænu áklæði á stólunum, jibbý!  eitt-núll fyrir mér :)


Svona var innkoman í salinn. Við komumst að því að með því að skáa borðunum, þá var mun rýmra um borðin. Veisluborðið sjálft var svo í miðjum salnum.

Við skiptum borðinu með upphækkun þvert yfir það (Froðuplastkubbar). Aftan við upphækkunina voru matardiskarnir (og seinna kaffidiskarnir) Maturinn var svo framan við. 


þessi mynd var tekin áður allur maturinn var kominn á borðið


Ég fékk lánaða þessa 3 glervasa sem eru á upphækkuninni. Batt tjullborða utan um þá og raðaði svo í hvern þeirra þremur gerfi gerberum (úr IKEA), fyllti með vatni og setti svo flotkerti ofaná.  
Ótrúlega ódýr og flott lausn.




Við leigðum hvíta dúka í þvottahúsi, og reyndist það ekki dýrara en að fara að nota bréfdúka eða kaupa efni í RL og klippa niður. Ég setti líka slaufur á hornin (með nælum) og í miðjunni á þeim hangir kristalsdropi (plast) sem ég keypti held ég í Blómaval á útsölu. ;)

Í salum var þetta fína (en ljóta) "bakkarennuborð". Alveg hreint tilvalið undir glösin svo ég keypti bara ódýran jarðvegsdúk og skellti yfir hann. Allt annað líf bara.

Bollarnir voru svo settir þarna eftir matinn. 

Servíetturnar voru keyptar í Býflugunni og blóminu og fíberdúkarnir í Blómabúð Akureyrar. Það er alveg lygilegt hvað meterinn af svona fiberlengjum kosta. Sérstaklega þessum ljósari. Svo til að þurfa aðeins færri metra, þá klippti ég þá styttri og hafði svo ódýrari mjóar ræmur yfir. Ég komst svo að því að það var bara betra að láta ekki lengjurnar ná útaf endunum, þeir hefðu verið á fleygiferð þannig. Litlu blómin fann ég í Blómaval og kostuðu eitthvað lítið og Kertastjakarnir voru í RL á útsölu, mig minnir að þeir hafi kostað 99 kr. 2 saman. SWEET :D Ég verð svo að játa það að ég er með smá komplexa þegar kemur að ódýrum hnífapörum (hver hefur sinn djöful að draga) svo það var farið í að safna saman sparihnífapörum úr fjölskyldunni (ég efast um að nokkur hafi tekið eftir því nema ég samt) en það gladdi mitt litla hjarta :)


Ein af séróskum fermingarbarnsins var að hafa svona hlaupkúlur. Þetta eru svona pínulitlar kúlur (svipuð og hrogn, en þegar þær eru lagðar í bleyti draga þær vatnið í sig og verða stærri.  Eina vesenið var að þetta er rándýrt...ja, allavega ef maður þarf nokkra poka af þessu. En glæru kúlurnar voru MIKLU ódýrari en þær sem voru litaðar, svo ég ákvað að redda mér. Tók þessar glæru og lagði í bleyti eins og uppskriftin á pakkanum sagði, nema ég skellti smá matarlit í vatnið fyrst ;) Kúlurnar urðu þó ekki nógu litmiklar svo ég hrærði bara meiri matarlit útí eftirá, þar til ég var ánægð með litinn.  Ég fékk þessa  glervasa lánaða á öll borðin, keypti stráin og blómin í blómabúð(mörg á hverri grein), klippti niður og setti í vasana með kúlunum. Fermingarbarnið happý :)

Ó hvað ég vildi að ég hefði átt fallegan kertastjaka undir fermingarkertið. En það var kreppa :I
Gestabókina keypti ég í Europris og skreytti að utan og innan ásamt kertinu.

 Blómunum var stungið í með prjónum.


Hér sést hin hliðin 


og smá svona díteils :)

Vá hvað þetta er orðið langt! 


Hér sést svo pakkaborðið, en þar voru líka gestabókin og albúm með fermingarmyndunum, en þær voru tilbúnar fyrir veisluna. Skreytinguna gerði ég líka sjálf, en held ég eigi því miður ekki betri mynd af henni. Hún var með gerfiblómum, svo ég gat gert hana löngu áður. 

Svo voru myndir af fermingarbarninu látnar rúlla á tölvuskjá. 


Svo verð ég að láta eina mynd af frænkunum hér inn. Þær eru bara svo sætar og alveg í stíl ;)

Vá mér datt ekki í hug að þetta gæti orðið svona langt þegar ég byrjaði á þessum pósti, og ég er enn með efni í annann.  Kökurnar sko....KÖKURNAR! :)


Framhald fljótlega elskurnar.....






Thursday, February 23, 2012

Skrapp til himnaríkis...


Nei þessi póstur er ekki um mitt hjartfólgna skrapp! Neinei... hann er sko um Öskudaginn :Þ  Það er nú þannig að ég vinn í félagsmiðstöð fyrir eldri borgara og við skvísurnar höfum til margra ára klætt okkur uppá á öskudaginn. Reyndar bregðum við oftar á leik þarna og búum þá bara til tilefni ef ekkert augljóst liggur fyrir. Þetta gerum við auðvitað til gera daginn eftirminnilegan fyrir fólkið sem kemur til okkar, en alls ekki síður fyrir okkur sjálfar! :)

Ég keypti mér þessa fínu vængi í Ice in the bucket. Dró svo fram pils og kjól sem ég átti til. Fjárfesti í dýrindis glimmer legghlífum og saumaði ermar úr gardínuefni sem ég fann inní skáp. Föndraði svo geislabaug/krans, smá meiköpp og mín bara orðin engill :) Ég sem hélt það mundi þurfa svo miklu meira til!

Þetta vakti alveg stormandi lukku, sérstaklega þegar ég sópaði niður gestum og gangandi þar sem ég "sveif" pent um húsið eins og sannir englar gera!

p.s. það er gott að alvöru englar þurfa ekki á klósettið :)



Pússa vængina fyrir myndatöku :)





Strympa, touched by an angel...





Og hér er svo allur hópurinn. Svo miklir snillingar þessar konur sem ég vinn með :)

Wednesday, February 15, 2012

Nú er sko gaman að skrappa!



Nú þegar allt er orðið svona fínt í föndurherberginu, þá tók ekki langan tíma að skella þessari síðu saman. Myndefnið er fallega skvísan mín. Þessi guðdómlega pappír og megnið af skrautinu er frá þeirri frábæru verslun Skrappoggaman. 

Monday, February 13, 2012

Velentínusardagurinn...

...er á morgun!  Hvernig er annars með þessa hefð... hefur hún náð einhverri fótfestu hér á klakanum? 

Persónulega finnst mér þetta krúttaraleg hefð. Við erum yfirleitt ekki nógu dugleg að knúsa hvert annað og tjá ást okkar.  Svo er þetta nottla alveg MEGA korta og föndurhátið svo hvernig á ég að geta annað en elskað hana :Þ  Ekki spillir nú bleiki liturinn og öll fallegu hjörtun <3

Ég hef nú ekki gert mikið af valentínusarkortum í gegnum tíðina. Þessi örfáu hef ég sent til ömmuríkis þar sem nokkrar vinkonur mínar búa. En kannski ég skelli í svona eitt kort í kvöld handa mínum heittelskaða. eða baki eitthvað sniðugt til að taka með í vinnuna

væri ekki sneddý að gera kanilsnúða með smá svona tilbreytingu


eða svona guðdómlega fallegar hjartakökur ... þvílík fegurð!


be still my heart! :)



Þessar eru líka súperkjút og súper auðvelt að búa til flöggin með grillpinnum og pappír


Spurning um að nenna þessu? 


Þetta er svona meira minn tebolli :)


Kort... endalaust til að fallegum kortum

Tölur eru alltaf svo sætar


Krúttað


Nammi....


Fallegt!


Shabby og sætt!


Einfalt en smart!


Ég gæti haldið endalaust áfram að skoða kort....

....en eigum við að ræða hvað þetta er mikil dásemd - litlar gjafir handa vinunum eða kennurum.


Dásamleg kramarhús undir nammi. Þetta er líka æðisleg hugmynd fyrir gestagjafir í brúðkaupi.


Gjööðveikir pakkar, ekki bara á valentínusardaginn.


TÖÖÖÖFFFF!


eeeeen ég veit nú ekki hvort ég mun föndra mikið í anda Valentínusar á morgun en ég er mikið að spá í að brjóta upp daginn og leggja eitthvað huggulega á borð annaðkvöld :)



og auðvitað knúsa kallinn : p


Umslagakort

Ég hannaði þetta snið af umslagakortum fyrir um 2 árum, bjó síðan til smá sýnikennslu á aðferðinni fyrir snappið mitt. Ég hef oft verið...